Sunday, 20 May 2018

फेसबुक पे चर्चा - केल्याने देशाटन

फेसबुक पे चर्चा - केल्याने देशाटन
संकलन - नागोराव सा. येवतीकर

२१ वे शतक प्रचंड स्पर्धेचे युग आहे. अशा या धावपळीच्या युगात जगण्यासाठी संघर्ष करावा लागत आहे, यांमध्ये व्यक्तीचा दिवसातील बराचसा वेळ घराबाहेर खर्ची पडत आहे, त्यामूळे कुटुंबीयांना ते जास्तीचा वेळ हल्ली देऊ शकत नाहीत. सध्याच्या युगात प्रत्येक व्यक्तीला आपल्या कुटुंबासमवेत राहण्यासाठी खूप कमी वेळ मिळत आहे. काळानूरूप सामाजिक-कौटुंबिक अपेक्षा बदलत जातात. सध्याच्या काळात कुटुंबातील व्यक्तींच्या देखील आपणाकडून अनेक अपेक्षा आहेत. त्यातील महत्वाची अपेक्षा म्हणजे आपण त्यांना माफक वेळ द्यावा! परंतू जगण्यासाठी चाललेल्या या जीवन संघर्षात आपण त्यांना दररोज जास्तीचा वेळ देऊ शकत नाही परंतू जर करीता आपण वर्षातून एकदा सहलीला गेलो तर नक्कीच आपल्या सर्व कुटुंबीयासोबत आपण मनमूरादपणे राहु शकतो. संघर्षमय जीवनामुळे आपल्या डोक्यावर आलेला मानसिक तणाव कमी होण्यास देखील अशा बाबी हल्ली गरजेच्या आहेत. देवदर्शनास जावे की नको, हा ज्याच्या-त्याच्या श्रध्देचा भाग आहे पण आपल्या व कुटुंबाच्या मानसिक स्वास्थ्यासाठी सहलीला जरूर जावे. सहलीला जाणे ही जरी थोडी खर्चिक बाब असली तरीही या धावपळीच्या युगात आपल्या कुटूंबात सुसंवाद असण्याकरीता सहलीला जरूर जावं.
- गोविंद भानुदासराव कदम
   (राज्यकर निरीक्षक, मुंबई)

वर्षातून एकदा परिवारासह सहलीला किंवा देवदर्शनाला जाणे आवश्यक आहे काय  ? होय नक्कीच जावे. रोजच्या धावपळीच्या जीवनात जगत असतांना मुला - मुलींना वर्षभरातील केलेल्या अभ्यासाचा ताणतणाव यामुळे दूर होईल. तसेच त्यांना यामुळे नवचैतन्य निर्माण होईल. गेल्यावर्षी पेक्षाही जास्त मेहनतीने ते अभ्यासाला सुरूवात करतील. तसेच आई आणि वडिलांनाही रोजच्या जीवनातून सहलीला किंवा देवदर्शनासाठी गेल्याने त्यांचाही वर्षभरातील घरगुती तसेच नौकरी, शेती आणि इतर कामाचा थकवा दूर होईल. तसेच आजी - आजोबालाही खुप आनंद होईल. वर्षेभर आई वडीलांना मुला - मुलींच्या शाळेमुळे आणि नौकरी तसेच इतर कामधंद्यामुळे त्यांना सहलीला किंवा देवदर्शनाला जाता येत नाही. म्हणून वर्षातून एकदा तरी मे - जून महिन्यात शाळा सुरू होण्यापूर्वी सहलीला किंवा देवदर्शनाला वर्षभरातून एकदा तरी नक्कीच गेले पाहिजे. आपल्या कुटुंबातील सर्वांना वेळ दिला पाहिजे.
- राजेश ह. जेटेवाड बरबडेकर

सहल किंवा देशाटन करणे आवश्यक आहे की नाही हे संबंधित व्यक्ती आणि त्याच्या परिस्थितीवर अवलंबून असते. मात्र  नियोजन करून केलेला प्रवास मग सहलीचा असो की अन्य कोणताही तो फायदेशीरच ठरतो. कारण यातून आजवर पुस्तकात शिकलेल्या,ऐकलेल्या गोष्टी, स्थळांची माहिती, वेगवेगळ्या भौगोलिक घटनांचा (उदा.भरती-ओहोटी,धबधबा,दऱ्या खोऱ्या,गडकिल्ले)अनुभव याची डोळा याची देही पाहता येतो. असे म्हणतात की "ऐकलेल्या गोष्टी थोड्यावेळ लक्षात राहतात,पाहिलेल्या गोष्टी दीर्घकाळ लक्षात राहतात आणि प्रत्यक्ष अनुभवाने समजून घेतलेल्या गोष्टी कायम लक्षात राहतात."म्हणूनच जगातील अथांग ज्ञान प्राप्त करण्यासाठी त्या ठिकाणापर्यंत पोहोचणे गरजेचे आहे.त्यासाठी घरातून बाहेर पडून फिरणे गरजेचे आहे.
- माधव लिंबाजीराव गव्हाणे

देवदर्शनाला व सहलीला जायला हवं का... होय माझ्या मते वर्षातून एकदा तरी देवदर्शनाला व सहलीला जायला  हवं. उन्हाळ्याच्या आणि दिवाळीच्या सुट्टीमध्ये आम्ही देवदर्शनाच्या निमित्याने का होईना फिरायला निघत असतो. एक वेगळा आत्मिक आनंद मिळतो. वर्षभर केलेल्या कामातून उसंत काढून एका वेगळ्या विश्वात रममान होता येत. कुठलीच काळजी मनाला वाटतं नाही. घरच्या अडीचणीं पासून थोडे दिवस का होईना दूर राहता येत. खरं तर देव हि संकल्पनाच माणसाला ऊर्जा देणारी आहे. देव आणि मानवाचं  नातं अदृश्य जरी असलं तरी ते आत्मिक बळ देणारं आहे. त्यामुळे ते सर्वांना हवंहवंस वाटतं. एक श्रद्धा म्हणून आपण कुठे देवदर्शनाला जात असलो तरी त्यामागे एक विश्वासाचं नातं सुद्धा असते. त्यापासून आपल्याला जीवनातील आनंद लुटता येत. जीवनातील चांगले वाईट क्षण आपण अतूट भावनेच्या बळावर एकमेकांशी वाटून घेत येते.  मानवी मनाची कास अदृश्यपणे का होईना मनोमन जुळलेली असते.
       श्रद्धेनं जीवनात सर्व मिळत असा विचार करणं हा सुद्धा  निवळ भ्रम करणे आहे. कर्तृत्वानेच जीवन घडवायचं असतं पण सोबत मात्र विश्वासाची  गरज असते. एक अपूर्व विश्वास व आपल्या कार्याची जोड मानवाला यशस्वीत्याच्या मार्गावर नेत असते. बस गरज असते ती श्रद्धेची, विश्वासाची ! तेव्हा सहलीच्या किंवा देवदर्शनाच्या निमित्याने का होईना जीवनातील प्रत्येक क्षण आनंदाने जगायला हवा !
- प्रा. वैशाली देशमुख, नागपूर

हल्ली स्पर्धेच्या धावपळीच्या युगात स्वतःसाठीही काही क्षण मिळणे मुश्किल होत चालले आहे. स्पर्धा नि फक्त स्पर्धा. अश्यावेळी जगण्यातील सर्व रसच निघून गेल्यासारखे वाटते. त्यात कामकाजाच्या सोयीमुळे नव्याने उदयास आलेली विभक्त कुटुंबीपद्धतीमुळे महिनोंमहिने परिवारातील सदस्यांची भेट ही होत नसते. त्यामुळेच निदान वर्षभरातून एकदा तरी परिवारासह सहलीच्या निमित्ताने म्हणा की देवदर्शनाच्या निमित्ताने म्हणा, एकत्र येणे गरजेचे आहे. माणसाला अनंत काळापासून नाविन्याची ओढ आहे, सहलीच्या निमित्ताने खूप नवीन ठिकाणे पाहायला मिळतात, वेगवेगळी संस्कृतीची नव्याने ओळख होते. आणि सहकुटुंब सोबत असल्याने नात्यांतील ओलावाही कायम राहतो. मनालाही आलेली मरगळ दूर होऊन नव्याने येणाऱ्या आव्हानास सामोरं जाण्यासाठी एक वेगळीच ऊर्जा मिळते. त्यामुळे वर्षातून एकदा परिवारासह सहलीला जाणे क्रमप्राप्त ठरते.
मिलिंद घायवट, कसारा (ठाणे).

वर्षातुन एकदा परिवारासह सहलीला किंवा देवदर्शनाला जाणे योग्य व अावश्यक अाहे.सध्याच युग अत्यंत धावपळीचे युग समजल्या जाते.यामध्ये प्रमुख व्यक्तीला कुटुंबासाठी वेळ द्यायला मिळत नाही. ह्याचच थोडक्यात उदाहरण पहायच झाल तर मुंबईसारख्या शहरांमध्ये एकाच कुटुंबातील व्यक्तींची जवळपास महिनाभर भेट होत नाही. कारण नोकरी, व्यवसायामुळे घराबाहेर जाणारी व्यक्तींचा ड्युटीचा वेळ फारसा अलग असतो. त्यामुळे पती नोकरीहुन परतण्यापूर्वी पत्नी नोकरीसाठी घराबाहेर जाते व मुले शाळेत गेलेली असतात. ते परतण्यापूर्वीच ती व्यक्ती बाहेर जाते. याप्रमाणे जवळपास रविवार सुट्टीशिवाय त्यांची भेट होत नसते. यामुळे त्यांना कुटुंबाला वेळ द्यायला मिळत नाही. मुलेही शाळेव्यतिरीक्त कुठेही जात नसतात.त्यामुळे त्यांचावर केवळ अभ्यासाचच ओझ असते.
           परिवारासमवेत सहलीला जाण्यामुळे त्यांच्या मनावरील ताण मोकळा झाल्यासारखा वाटतो. मानसिक व शारिरीक ताण यामुळे नाहीसा होतो. त्याबरोबर घरातील तणाव असो वा मुलांचा डोक्यावरचे ओझे मोकळे झाल्यासारखे वाटते. संपूर्ण परिवार जाण्याने एक वेगळा अानंद त्या परिवारात निर्माण होतो.त्याबरोबरच तेथील पर्यटन क्षेत्राची किंवा देवस्थानाची  चांगल्या प्रकारे चर्चा करुन सखोल माहिती सर्वाना मिळते. म्हणुनच वर्षातुन एकदा परिवारासह सहलीला किंवा देवदर्शनाला जाणे योग्य वाटते.
- सचिन तोटावाड धानोरकर

आयुष्य हे अगदी जटिल .त्यातला गुंता काढणं अगदी कठीण .संसाराच्या चक्रात अडकून आपण कायम व्यस्त नी व्यग्र. नोकरी व्यवसाय यात फक्त धावणे. यामुळे कुटुंबासमवेत राहून न राहिल्यासारख आहे. सप्ताह, पंधरवड्यात नको पण वर्षभरात एकदा तरी कुटुंब काफिल्या सोबत फिरायला जाणे गरजेचे ; पण जातांना मोबाईलवर ऑनलाईन राहू नये. घरच्यांसोबत वेळ द्या ,मस्त मज्जा करा. जगातिल सुखदुःखे पाहण्याची डोळस दृष्टी कुटुंबातील मंडळीला द्या. त्यामुळे जगण्याचं बळ येईल, चंगळवाद दूर जाईल. पर्यटन करताना अध्यात्म ,ऐतिहासिक, विज्ञान,पर्यावरण, निसर्ग यांचा समतोल ठेवून सहल करावी. जेणेकरून सगळयांना आनंद मिळेल. पारंपरिक पद्धतीने भोजन मिळाले तर वेगळा आनंद मिळेल. ही ऊर्जा आपणास वर्षभर मिळेल. पर्यटन ते कमी अंतराचे असो वा दूरचे. साधं डोंगर दर्यात फिरलं तरी निसर्ग आपणास भरपूर देतों. हिरव्या कंच जंगलातून ,नदी नाल्यातून फिरताफिरता जीवन जगण्याचं कौशल्य आत्मसात करू शकतो. भटकंती करूया, आनंद घेऊया, अनुभवातून समृद्ध होऊया .
बाप्पा महाजन

वर्षातुन एकदा तरी सहलीला जाणे आवश्यक आहे काय?.....
वर्षातुन एकदाच काय जेंव्हा वेळ मिळेल तेंव्हा परिवारासह फिरायला जाणं चांगली गोष्ट आहे. सुखी माणसे सहलीला जातात मात्र पण जे पोटाची खळगी भरण्यासाठी वनवन भटकतात त्याना परिवारासह सहलीला जाण्याची ईच्छा आहे पण त्याना उदरनिर्वाहासाठी जे सहलीवर जातात त्यांच काय? पोट भरण्यासाठी एवढा वेळ लागतो की, वर्षामागून वर्ष जातात पण त्यांची सोय होत नाही. सहल हे फक्त पांढरपेशा समाजाच आहे पण जे अर्थिक मागासलेले आहेत ,जे अनेक वर्ष गरीबी नावाच्या दलदलीत खितपत पडलेले आहेत त्यांच्यासाठी एखादी सहल निघेल काय ?
- मंगेश हनवटे, नरसीकर
                     
देशाटन किंवा सहल किंवा देवदर्शन जाणे आवश्यक आहे का हा प्रश्न खूप सुंदर आहे, सहल देवदर्शन याला आपण वर्षातून गेलं पाहिजे, काही जणांना पैशाच्या अडचणीमुळे हे शक्य होत नाही पण ज्या ना शक्य होते त्यानी देवदर्शन किंवा सहल याला गेलं पाहिजे याचे कारण माणूस हा सतत काम करत असतो तो कुठलाही असो, त्याच जीवन कस्टमय व संघर्ष आहे, या जीवनातून त्याला थोडा विरंगुळा, मन शांतता लाभावी यासाठी त्यांनी देवदर्शन किंवा सहलीला गेले पाहिजे, यामुळे त्याना वेगळे काही बघायला मिळते व सततच्या जीवनातून थोडा वेगळा श्वास मिळतो, आणि भारतीय संस्कृती खुप पुरातन संस्कृती असून त्या संस्कृतीच्या खुणा आजही ताज्या वाटतात त्या खुणा आज हजारो वर्ष झाले तरी ताज्या दिसतात अशा संस्कृतीच दर्शन घेणे व ती संस्कृती पाहणे, वेगळेच आज एकविसाव्या शतकातील आधुनिक युगात सुध्दा निसर्गाच्या सानिध्यात किंवा निसर्ग सौंदर्य हे माणसांना भुरळ घालते , ते पाहणे हा वेगळाच अनुभव आहे, या भारतातील संस्कृती, भाषा, कला, परंपरा, लोककला याचा अनुभव तेंव्हाच येतो जेव्हा आपण या सर्व गोष्टी पाहू , निसर्ग सौंदर्य हे एवढं आहे कि त्याचा अभ्यास हा प्रत्यक्षात अनुभव घेतला किच होऊ शकतो अश्या कारण साठी सहल आणि अद्यत्मा साठी मूर्ती कला मूर्तीचे वेगवेगळे रूप पाहणे हे त्यातील हावभाव, मुर्ती रूप पाहणे म्हणजे त्याकाळात आपल्याला घेवून जाते त्या साठी सहल व देशाठन केले पाहिजे
रुक्मांगत पाटील

देवदर्शनाच्या बहण्याने का होईना सहलीला नक्की जावे. अस कुठ फिरायला जायच म्हंटल की सगळयांच्या भुवया पहिले वर होतात (खर्च!!) पण देवदर्शन म्हंटल की लगेच तयार होतात. पण त्यात पण विविधता हवी. तरुण मंडळींना डोंगर चढायचा असतो, लहान मुलांना पाण्यात खेळायचे असते, म्हातार्या लोकांना जास्त दगदग नको असते. या सगळयातून सुवर्णमध्य काढणारे ठिकाण शोधने खुप अवघड असते. अस ठिकाण म्हणजे हरिहरेश्वर. सगळयांच्या सगळ्या अपेक्षा पूर्ण होण्याचे ठिकाण.
नंदिनी नितेश राजापुरकर

मनावरचा ताण विसरण्यासाठी हलकं फुलकं होण्यासाठी कधीतरी कुठं  सहलीला देवदर्शनाला का होईना जाऊन यावं म्हणजे मन टवटवीत राहातं. पर्यटन केल्याने आपल्याला त्या परिसराची विचार, आचार, आहार तिथली संस्कृती 
परिचित होते त्यामुळे संस्कृतीचे आदान प्रदान होण्यासाठी पर्यटन आवश्यक आहे .तेथील भौगोलिक बाबींचा स्वतःला जाणीव होते वेगळ्या अनुभव सतत आपल्या मनात तेवत राहतो
त्या निमित्ताने निसर्ग दर्शनही होते वेगळ्या वातावरणात गेल्यानंतर मन प्रसन्न राहते. म्हणून हलकं हलकं हलकं फुलकं होण्यासाठी कुठेतरी फिरून यावं
- चारू धुमाळ

Saturday, 7 January 2017

Open writting

[07/01 10:11 am] ‪+91 94268 10109‬: ।।स्पर्धेसाठी।।

।।जीवन-सार।।

नित्य रहावे उद्योगी
काया राहते निरोगी।

करू नित्य सद्विचार
सुखी होईल संसार।

हित सर्वांचे चिंतावे
व्यर्थ कुणा न द्वेषावे।

स्त्रीच तारते सर्वांना
स्त्रीच मारते स्त्रियांना।

द्यावी साथ सत्कर्माला
अंती येई ते कामाला।

नित्य मुखी हसू यावे
प्रशंसेस पात्र व्हावे।

घ्यावा उत्तम आहार
सुखाचेच ते आगार।

करणाऱ्याने करावे
पाय कुणी न खेचावे।

निंदा नालस्ती सोडावी
माणसे अशी जोडावी।

जसे आपण बोलतो
तसे बालक वागतो।

जे जे करती सत्कर्म
तैसे होती ते विनम्र।

ठेवा एक गोष्ट ध्यानी
करू नका कुणा हानी।

जन्म मानव एकदा
जनी फुलवू संपदा।

सौ.मनिषा वाणी.
सुरत.०७.०१.२०१७.
०९४२६८१०१०९.
@२
[07/01 10:30 am] ‪+91 84469 46555‬: 💢🔴💢🔵💢🔴💢🔵💢💢🔴
मुक्त कविता स्पर्धेसाठी

       *प्रेमाकुंर*

जुळले नाहीत सूर आपले,
जे होते ते बेसूर कधीच नव्हते ..!
मनात राहिले नाते आपले,
वास्तवात ते समक्ष होत नव्हते ..!
नात्यात होता लाघवीपणा,
कधी प्रत्यक्ष व्यक्त होत नव्हते ..!
अबोला सर्वांना दिसत होता,
बोलण्या बोल हवे ते शब्द नव्हते ..!
आठवणी ह्या ह्रदयात वसती,
मनातून ते डोळ्यात उतरत नव्हते ..!
मिटता डोळे तुझीच प्रतिमा,
मना ती भावप्रतिमा खुणवत राहते ..!
राहिला तेणे दूर देश आपला,
विरह हा काही केल्या नासोस सलते ..!
   
     १३ बंडोपंत कुलकर्णी सोलापूर

💢🔴💢🔵💢🔴💢🔵💢💢🔴
[07/01 1:03 pm] ‪+91 74989 64901‬: मुक्त कविता स्पर्धेसाठी

सागरास :-
************
सागरा तुझी अथांगता पाहून वाटतं
मानवी मनही असचं अथांग असतं तर
मनामनांची स्पंदने जुळली असती..
द्वेष द्वैताची त्रेधातिरपिट उडाली असती
अन् जगात दुही माजली नसती ....
घरातही कलहाची नांदीही वाजली नसती..
पण...हे  असं नुसतचं म्हणायचं असतं
कारण...हे कधी घडणारचं नाही हेही माहितचं असतं ......

©जागृती  निखारे
[07/01 1:14 pm] ‪+91 94237 15865‬: वृत्त ----भुजंगप्रयात

लगागा लगागा लगागा लगागा
-------------------------------------------
               गज़ल
            --------------
        सकाळी सकाळी
***-*****-*********-***
धरा ही खुणावे सकाळी सकाळी
दवाने खुलावे  सकाळी सकाळी

दिसे लोचना भाबडी तू मनाची
प्रितीने रुजावे सकाळी सकाळी

नको हा दुरावाअशा रम्य वेळी
तुला मी पुजावे सकाळी सकाळी

अशा या घडीला सखा संगतीला
किती मी रुसावे सकाळी सकाळी

छबी अंतरंगी तुला आकळावी
किती हे दुरावे सकाळी सकाळी

****************************मीना सानप  बीड @  7
9423715865 स्पर्धेसाठी👆
[07/01 1:47 pm] Rohidas Hole: मुक्त कविता स्पर्धेसाठी

!!!सुंदर क्षण!!!

सुंदर क्षणांचा आनंद सोहळा
जगताना लुटता आला पाहिजे
माणुस माणुस म्हणून माणुसकीला
सदैव ओळखता आला पाहिजे

जीवनाची प्रत्येक नाती असतात छान
त्यात रंग भरता आला पाहिजे
रोजच्या धावपळीच्या बाजारी दुनियेत
एकमेकांना समजून घेता आलं पाहिजे

कुणी अडाणी कुणी शिकलेला
सर्वाना सोबत घेऊन जाता आलं पाहिजे
दुर असतो तुम्ही आम्ही नेहमीच
पण मैत्रीचं घरटं बांधता आल पाहिजे

सुख दुखानी भरलेले असतात क्षण
सामोरी जाताना संघर्ष करता आला पाहिजे
गोडवे जरी गायले किती आपुलकीने
मैत्रीची नाती कायम टिकवता आली पाहिजे

रोहिदास होले ....७१
गोपाळवाडी ,दौंड ,पुणे
[07/01 1:55 pm] ‪+91 77750 26914‬: *स्पर्धेसाठी*

अरे संसार संसार
अंधश्रध्येच हे घर,
 नवस सायास करीता
मांडला देवाचा बाजार..

निरक्षर भोळे सारे
बुवा बाबाची करणी,
जीव फुकटचा जातो
त्यांचा कोणी नाही वाली..

जात पात धर्म पंत
सगळे वाटून घेतले,
अंधश्रद्धेच्या नावावर
बुवा बाबा हे पोसले..

दगडाच्या निवदा पायी
पोर उपाशी निजली,
शेंदुराच्या नवसा साठी
आम्ही माणुसकी सोडली..

ऐक डेबूजीची वाणी
जात पंत धर्म एक ,
शिक्षणाने साक्षर होऊन
जाना माणूस एक जात...

*पप्पू मोहरकर*
@56
[07/01 2:31 pm] ‪+91 82373 29804‬: स्पर्धेसाठी :- 👇👇

वागेश्वरी : लगागा लगागा लगागा लगागा लगागा लगागा लगागा लगा

मनाला तुझ्या वेदना दे अशी की, फुले बनुन अश्रुं गळावे तुझे,
जगाला तुझा गर्व वाटेल ज्याने, असे कार्य हातुन घडावे तुझे..!

नको वल्गना तू करू त्या फुकाच्या, परीक्षा नसे कासवाची इथे,
तुझी आज आहे कसोटी खरी ही, अहंकार आता मरावे तुझे..!

हसू हे नको तू करू रे स्वत:चे, मजा पाहण्या सर्व आहेत हे,
तया आज औकात त्यांची कळावी, असे दाखले दाखवावे तुझे..!

तुला वारसांची मिजाशी कशाला, किती सोसले कष्ट त्यांनी गड्या?
तया कमवण्या जन्म गेला उभा अन्, इथे फालतू का दिखावे तुझे..!

प्रबळ ध्येय पंखात त्या पाखरांच्या, नवी झेप घेण्या नभाला निळ्या,
अशा पाखरांचे उरी ध्येय घेता, यशाचे शिखर उंच व्हावे तुझे..!

प्रतिक्षेत का दाटले आज अश्रुं, तुझी वाट पाहून वृद्धाश्रमी,
तुला जन्मदातेच झालेत ओझे, तयां प्रेम आता मिळावे तुझे..!

-----संतोष शेळके / कर्जत, रायगड @२४
[07/01 2:49 pm] ‪+91 91461 72980‬: स्पर्धेसाठी मुक्त कविता
*जगण्याचे नाटक *

जे व्हायचे ते झाले अन् संपूनही गेले
जाता जाता आठवणींचे प्याले भरून गेले

किती करावे विषयांतर तरी फिरून आले
त्याच त्याच वाटेवरून पुन्हा विचार कोसळले

घडले ते रामायण, झाले ते महाभारत
तरी पुन्हा अयोध्येत सीता शोधणे आले

जमला तो जमाव, मागे सीतेस वनवास
एकटेपणातही पुन्हा स्वतःस शोधणे आले

उमेद मिळाली जखम भरली तरी पुन्हा
जननिंदेस सामोरे जाणे आले...

जगण्याच्या नाटकांत आपलेच आपल्याशी भांडण
वैर नको मनाशी, म्हणून पुन्हा मनाला स्वैर सोडणे आले

किती भूमिका, किती नातलग
ओळखिचे सारे
जपताना नात्यांना कधी खोटे, कधी खरे बोलणे झाले

वाटेत वेदनांना टाळले कितीदा तरी...
कोंडमारा मनाचा होताना, भावनांशी भांडण झाले...

© सौ. शशिकला बनकर, भोसरी, पुणे
@35
[07/01 3:35 pm] Appasaheb Surwase: **सावली**
दिस उनपावसाचे
संसाराला नित्य झळ
माझी धास्तावून माती
तिचे झुकते आभाळ

पुण्य कोणत्या जन्मीचे
मज पुरो आले गाठी
तीळ तीळ तुटे जीव
तिचा माझ्या सुखासाठी

अभावात उणावली
आज नात्यातली ओल
माऊलीने शिकविले
आम्हा जिव्हाळ्याचे मोल

उभे कष्टाने आयुष्य
श्रम कापराप्रमाणे
मिही जपून राखतो
तिचे प्रेम विश्वासाने

बंध भावाबहिणीचे
पदरात घेते ऊन
माझ्या वाटेवर उभी
नित्य सावली होउन
          ****
        प्रा.मीनल येवले
🙅

स्पर्धेसाठी👆🏾👆🏾👆🏾👆🏾
[07/01 3:42 pm] ‪+91 95733 01003‬: *स्पर्धेसाठी*

""दुखः""

———

दुखः पुजले त्या पाचवीला,
पण सुख क्षणमात्र आहे
विसरून कसे सुखात,
दुखः पाठलाग करत आहे......!

दुःखास माहित सुख मला,
पण सुख ते क्षणभर आहे  ,
दु:खास माझ्या मात्र मी
कवटाळले मीठीत आहे......!

सुखास आता माझ्या मी
जरी हृदयात घेतले आहे,
दुखः मात्र मीठी आणखी,
घट्ट आवळीत आहे.....!

सुखास माझ्या गळफास,
तेच आता देत आहे,
सुखा दुखाःच्या खेळात ह्या,
आयुष्य मात्र भरडत आहे.....!

मी माझ्या सुखास सागरा
सारखेच बनवले आहे,
आज खरच, त्या सागरात
मी तृप्त डुंबत आहे......!

दुखाःस साखर बनवुन, 
मी दुधात सोडून दीले...
पाचवीला प्यायलेल्या दुधाचे
महत्व त्यास पटवून दीले....

सुख दुखाःच्या खेळात
आयुष्य सारे लोटुन दीले...
सुखात जीवन कंठण्या
दुःख बाजूस सारून दीले.

**********93*******

           .........सुरजकुमारी..गोस्वामी

                             कळंब(हैद्राबाद)
[07/01 3:44 pm] ‪+91 75880 55882‬: 🌹मुक्त कविता🌹
स्पर्धेसाठी 🌾🌾🌾
नाती...
संथ आणि कंटाळवाण्या
आयुष्याला काय हवे
बोबडे बोल अबोलीचे
पायाखाली मात्र तवे ....

नाही पाठवले मुलाने
मला पत्राशिवाय काही
मनात टोचते म्हणून
वाट जीवन भर पाही...

पाठवतो पैसा जगण्यासाठी
जगतो म्हातारा म्हातारी
केला का कधी विचार?
मेलो का जिवंत पाहातरी....

आला मज अॅटक पहा हो
केला फोन काॅल तुला
हाॅस्पिटलला जाहो बाबा
करु काय मी म्हणालास मुला...

लहान असता आला ताप
न केला मी तुला दुजावास
घेऊन खांद्या रात्रदिनी
उभा राहिलो मी तासनतास....

कवडीमोलाचे झालो आम्ही
कसपटाप्रमाणे आमचा जीव
बाळा गेलास तू परदेशी
येत नाही का रे कीव ?........

मारी भरारी मन आकाशी
येतोस कधी रे भेटण्याशी
थरथरत्या हाताला हवा आधार
नवीन रोपटे लावीन दाराशी.....

नकोच नुसती नाती
आई बाबा अन् लेकाची
सुर निघावा हर्दयातून
तार छेडल्यागत वीणेची........

***********************
स्नेहलता कुलथे
क्र.37🌹
[07/01 4:01 pm] ‪+91 94236 25769‬: *।। इनिंग ।।*

आज मी एक नवी
इनिंग सुरु केलो
लेखन सोडून आत्ता
भाषण करू लागलो

आज मला कळले की
किती सोपे असते लिहिणे
आठवून आठवून सर्व
तो लेख पूर्ण करणे

बोलणे वाटते तेवढे
खरोखरच सोपे नाही
बहुतांशी बोलताना नेमके
बोलायचे ते आठवत नाही

चांगल्या चांगल्या वक्त्याची
बोलताना बोबडी वळते
विषयाला धरून नाही बोलले
तर प्रेक्षक सैरावैरा पळते

*- नागोराव सा. येवतीकर, धर्माबाद*

स्पर्धेसाठी
[07/01 4:48 pm] ‪+91 75885 88900‬: मुक्त कविता स्पर्धेसाठी
~~~~~~~~~~~~~~~
~~~~🌹मित्र🌹~~~~~
~~~~~~~~~~~~~~~
जो सुखात साथ देतो तो मित्र
जो दुःखात साथ देतो तो मित्र
पण जो शेवटपर्यत साथ देतो
तोच असतो खरा मित्र

मित्र असे असावेत
जे आपल्याला खुशी देतात
गुलाबाप्रमाणे फुलुन
आपल्याला सुगंध देतात

मित्र म्हणजे प्रेम
मित्र म्हणजे जान
जो मैत्री निभावतो
तोच आहे महान

मित्र असे असावेत
ज्यांनी जीवन बहरुन यावे
असे वाटते मनाला
स्वच्छंदपणे गगनात उडावे

मित्र असे बनवा कि ते कधी साथ सोडणार नाही,
प्रेम असे करा कि ज्यात स्वार्थ असणार नाही, ह्दय      असे बनवा कि ज्याला तडा जाणार नाही, हास्य असे बनवा कि ज्यात रहस्य असणार नाही.

मित्र असावा परिसापरी
स्पर्शुन जो लोखंड सोने बनते,
असा मित्र लाभला तर
आपले  भाग्यच उजळते
~~~~~~~~~~~~~~~
स्मिता बेंडे@९५
[07/01 4:50 pm] ‪+91 90116 59747‬: स्पर्धेसाठी.

    बळी राजा.

काळ्या मातीत मातीत
बियाण टपोरं  पेरलं
तरारून येता कस
पिक हिरवाईत डोललं...

    दूध पावसाची सर
   पोषण झाल भरभर
  वा-यासंगे हसत खेळत
  जाणली ना कशाची कदर....

फुलो-याला  जपू  किती
नाजुक हा त्याचा काळ
दाणा  भरला कणसात
गुटगुटीत  जस बाळं...

    येता मार्गशीर्ष तो महिना
   हुडहुडी  भरली हुरड्याची
  पै पाहुण्यांसाठी बेत खास
  इच्छा  पुरवी ती मनाची.....

राखणीला आल आता शेत
चिमणी पाखर तुटून पडत
काटकीचा केला बागुलबुवा
करी टेहळणी बसे हुसकावत ...

      कृपा  मेघराजाची झाली
     धनधान्न्यान बरकत आली
      कष्टाच  सोनं  झाल
      लक्ष्मी  घरात  हसली.. 

पोटच्या पोरावानी त्यान
काळजीन जोपासल पिक
गाई म्हशीच्या गोठ्यात
वासरू हंबरते हकनाक....

     शेतकरी  राजा  हा माझा
    उभ्या  जगाचा रं पोशिंदा
   जागती सैनिक सिमेवरती
   नतमस्तक मी प्रणाम  सदा...

                           पुष्पा सदाकाळ
                      9011659747 @50.
[07/01 5:11 pm] Appasaheb Surwase: 🔴  *_आहेवांचं लेणं_* 🔵

_मागते एकच दान देवा तुला_
_माझ्या मंगळसूत्र दागिन्याचा धनी_
_ठेव खुशाल निरोगी चारित्र्यवान_
_मर्यादा पुरुषोत्तम रामा वानी_

_आला सुवासिनीं सण संक्राती_
_भ्रतार घेई मज जरतारी पैठणी_
_शृंगार करते साजना तुझ्यासाठी_
_म्हण अप्सरा ,शुक्राची चांदणी_

_चुडा पाटल्या लेते लाखाच्या_
_आयाबाया भरती माझी ओटी_
_खण नारळ बांगड्याचं वाण_
_वाटीते तुझ्या दीर्घ औक्षणासाठी_

_आहेवांचं लेणं हळदी कुंकु_
_भांगात भरीते सिंदूर लाल_
_सख्या तुझ्या प्रेमासाठी रे_
_सोडला माहेराचा मी महाल_

_गजरा , लाली अन् वेणी_
_गुंड- नथीच्या माझ्या तोरा_
_मिरवते घालून शुभ सणावारा_
_गाजो तुझ्या नावाचा दरारा_

_जोडव्या मासोळ्याची हौस भारी_
_नटुन थटुन जाते ओवसाया_
_सख्या तुझी मिळों जन्मोंजन्मी_
_अजोड अबलक प्रेमाची छाया_

_मेहंदी सम स्वतः झिजुन_
_भरींन तुझ्या जीवनात रंग_
_असा थाटीन लख्खं संसार_
_लोक पाहुन होतील दंग_

✍🏼🖊🖍🖋🎯🖋🖊
*_श्री. आप्पासाहेब सुरवसे_*
*_लाखणगांवकर_*
_AMKSLWOMIAW_
       *_AK47_*
❎ *_स्पर्धेसाठी नाही_* ❎
[07/01 5:14 pm] ‪+91 94035 93764‬: *📚स्पर्धेसाठी मुक्त कविता*📚
🎀🎀🎀🎀🎀🎀🎀🎀🎀🎀
        *🌺नारी महिमा*🌺
➖➖➖➖➖➖➖➖➖➖
     सत्यवानाची सावित्री
     होती कशी पतिव्रत्ता
     यमा हातुन प्राण घेतले
     पतीस वाचून दावली विद्वत्ता

    राजा हरिश्चद्र शब्द दिला
    विश्वामित्राने स्वप्नात घेतले
    तारामती राणी सुकुमार
   पती साठी हालअपेष्टा सोसले

   रामाला वनवास कैकयी मुळे
  सोबती होती जानकी चौदा साल
पतीच्या सुखदु:खात सुख मानले
होते सोबतीला वनचर झाले बेहाल

    भारतीय संस्कृती आहे महान
   नारीचा झाला पाहिजे सन्मान
   तरच होईल विकास देशाचा
   इतिहास जाना तव भारताचा

      सौ.खेडकर सुभद्रा बीड
     समुह क्र.20
     मो.न.9403593764
[07/01 5:14 pm] ‪+91 94053 72401‬: 🌹मुक्त कविता स्पर्धेसाठी 🌹

अष्टाक्षरी रचना

☘ वारांगना ☘

सुसंस्कृतांचे हे नाव
क्षणिक आनंद देणं...
नसे समाजात मान
घुसमटत जगणं...

कधी हया फसवलेल्या
कधी बळी संमोहाच्या...
समाजाने नाडलेल्या
अगतिक भावनांच्या...

कोठीतली ती जिंदगी
रोजचे ओरबाडणे...
प्रेमालाच आसुसणे
नको वाटे क्षुद्र जीणे...

रंगीत जरी चेहरा
नयनात निस्तेजता...
आबाळच भविष्याची
जीवनात काळोखता...

✍ 55 अश्लेषा मोदी
[07/01 5:19 pm] ‪+91 82759 38319‬: स्पर्धेसाठी.....

खरा देव...

दगड धोंडयानां पुजती सारे
खरा देव कुणी पाहिला..
दीनदलितांची सेवा करण्या
जिने स्वतःचा आयुष्य वाहिला..
मदर तेरेसा त्या देवतेच नाव
होय मी असा खरा देव पाहिला..

विदेशातून अवतरली ती देवी
बनली अनाथांची माता..
सुखी संसाराची स्वप्ने त्यागूनी
कुष्ठरोग्यांची जाणली व्यथा..
स्वहस्ते करुनी सेवा आणि उपचार..
नवजीवन मिळवून दिले जीवना आकार
अशक्य स्वप्न दिनदुबळ्यांचे केले साकार..

अखेरच्या श्वासापर्यंत केली सेवा
ना जात पाहिली ना धर्म पाहिला..
एकच मंत्र जपला ध्यानी मनी
समाजकार्यासाठी तिने आयुष्य वाहिला..
होय मी असा खरा देव पाहिला..

भारतरत्न ,नोबेल पुरस्कारांचा झाला वर्षाव
पुरस्कारांचा विचार तिने कधी नाही केला..
दुखितांचे सारुन दुःख चेहऱ्यावर फुलविले हास्य..
अंधारांची वाट ज्यांच्या आयुष्याची
उजळवले त्यांचे भविष्य..

   -श्री सगर पंढरी 83 धर्माबाद
    9405628375
[07/01 6:08 pm] ‪+91 99219 97026‬: स्पर्धेसाठी
🙋🏻🙋🏻🙋🏻🙋🏻🙋🏻🙋🏻
गर्भात रुजल बीज
आदिमाया नारीशक्तीच
खुडण्या तयार सारे
झगडण एका कळीच....

जन्म झाला कळीचा
नाही कोणाला आनंद
झिडकारती सारेजन
हवा त्यांना मुकुंद.....

नाजुकशी ती सोनकळी
विचार करते मनाशी
कोण्या देशीचा राजकुमार
घेऊन जाईल मज घराशी....

स्वप्नात विरहे ती नानारंगी
झाले तिचे फुलपाखरु
पांग फेडीन मायपित्याचे
कष्ट त्यांचे कसे विसरु....

दिवस एक काळा उगवला
नाजूक कळीचा घात झाला
पित्यासम राक्षस एक
जीवन तिचे विस्कटून गेला...

अगणित झाल्या चर्चा
जो तो भाजतो पोळी
भग्नावशेष झाली पुरी
नाजूक बिचारी कळी....

न्याय न मिळे निर्भयास
काटेरी शब्द करे मनभंग
पुसतो का कोणी तिला
काय म्हणे तिचे अंतरंग...

गातो आजही स्ञिची महती
कोणी करे आईची भक्ती
दिसली नाही का नराधमांना
परी नाजूक ती आदिशक्ती....
👧👧👧👧👧👧👧
    
         नीता आंधळे
          अहमदनगर
               *२२*
[07/01 6:15 pm] ‪+91 94054 04415‬: ☘ मुक्त कविता स्पर्धा ☘ 
---------------------------- 
            ठेव जपून...!!!

********************
ठेव जपून....
राख माझ्या जळलेल्या सरणावची
उगवेल परसात प्रेमवेल होऊन माती
गंध त्या कळ्यांचा दरवळेल अंगणात
ठेव तो श्वासात जपून.....
ठेव जपून....

ठेव जपून.....
गीत माझे ते परिकथांच्यांपरी
गाशील जेव्हां प्रेमभाव माझा कळेल
देईल साथ स्वरांची तुला जाणारा
वारा ही थबकुन...
ठेव जपून.....

ठेव जपून.....
नाती ती माझ्यामुळे जवळ आली
नको होती ज्यांना आपली प्रीति तरी
सांगतिल विरहाच्या वेदना माझ्या
दिसता तुला रडून...
ठेव जपून....

ठेव जपून....
क्षण ते आपल्या झालेल्या भेटीचे
देतील सुख न झालेल्या मिलनाचे
येतील मज घ्यायला मग ते कसे
कितीही दुरून दुरून...
ठेव जपून....

********************
      ✒सय्यद जावेद 85 ✒
********************
[07/01 6:26 pm] ‪+91 83084 32625‬: स्पर्धेसाठी कविता
-----------------------------
ती सध्या काय करते

बऱ्याच दिवसानंतर आज
त्याला ती आठवते म्हणून
तिच्या विषयी जाणण्याची
त्याला तीव्र इच्छा होते .

तिला शोधण्याचा तो
बरेचदा प्रयत्न करते
पण प्रत्येक वेळी पदरी
निराशा येऊन जाते  .

अचानक एक दिवस त्याला
मैत्रीण तिची रस्त्यात भेटते
मोठ्या आशेने तो विचारते
ती सध्या काय करते ..

मैत्रीण सुद्धा मित्राची या
तेव्हा फिरकी थोडी घेते
कालच मला भेटली होती
म्हणून खोटी थाप मारते..

अचानक मग त्याला
भुतकाळ आपला आठवते
तिच्यासोबत बितलेले क्षण
त्याच्या नजरे समोर येते .

मला वाटत होतं हे असं
फक्त माझ्या सोबतचं होते
पिक्चर मुळ कळलं हा नियम
तर साऱ्यांनाच लागू होते .

घनश्याम बोह्राडे 19
[07/01 6:27 pm] ‪+91 96047 23777‬: 🙏मुक्त कविता स्पर्धेसाठी🙏
         🙏माय🙏

चूल चूल पेटली पेटली
खळगी भराया पोटाची
माय थापते भाकर
ओटी भराया ताटाची

घास मोडून भाकर
घाली मुखात लेकरु
माय पाहते चिमनिवानी
तिच्या पोटच पाखरू

घास घालून लेकरा
माय उपाशी झोपली
अंगी वाघिनीच बळ
दिसा दिसाला झोम्बलि

प्रदीप म्हेत्रे
उस्मानाबाद
9604723777
[07/01 7:01 pm] ‪+91 86980 67566‬: टाळा वांदा,शौचालय बांधा

गाव येता जवळ
दुर्गंधीचे सुटे मोहळ...
तोरा मिरवावा किती कोणी
लाज बाळगा जरा धनी....
शौचालय बांधा, सांगे बायको अडाणी..... ॥

रोगराई सुटली गावामंदी
लाज चालली चालली
बाया पोरी शरमिंदी
खाता किती भाव, मिशीवर ताव मारुनी
शौचालय बांधा, सांगे बायको अडाणी...॥

वावरात जाता घेऊनी लोटा
डोक्यावर फेटा नि रुबाब मोटा
टाका एकदाची घोळ मिटवूनी
शौचालय बांधा, सांगे बायको अडाणी...॥

आनंद नांदल घर आणि गावा मदी
नेक हे काम मनावर घ्या तुमी आधी
लई दिसाची इच्छा पुरी करा की धनी
शौचालय बांधा, सांगे तुमची लाडाची राणी...॥

               श्री.हणमंत पडवळ.
मु.पो. उपळे (मा.) ता.जि. उस्मानाबाद.
          8698067566.